@๓ ม.อุ. ๑๔/๒๕๐/๒๑๗, องฺ.ติก. ๒๐/๓๖/๑๓๕

@๔ ฉ.ม. สยนฺตีติ ๕ ก. อคฺคินิสมํ ปชฺชลิตนฺติ มหานิรโย นาม โย โส "จตุกฺกณฺโณ"ติ ๑- วุตฺโต, ยํ โยชนสเต ฐตฺวา ปสฺสตํ อกฺขีนิ ภิชฺชนฺติ.

[๖๗๕] ชาเลน จ โอนหิยานาติ อโยชาเลน ปริเวเฐตฺวา มิคลุทฺทกา มิคํ วิย หนนฺติ. อิทํ เทวทตฺเต อวุตฺตกมฺมกรณํ. ๒- อนฺธํว ติมิสมายนฺตีติ อนฺธกรเณน อนฺธเมว พหลนฺธการตฺตา "ติมิสนฺ"ติ สญฺญิตํ ธูมโรรุวํ นาม นรกํ คจฺฉนฺติ. ตตฺร กิร เตสํ ขรธูมํ ฆายิตฺวา อกฺขีนิ ภิชฺชนฺติ. เตน "อนฺธํวา"ติ วุตฺตํ. ตํ วิตตํ หิ ยถา มหิกาโยติ ตญฺจ อนฺธติมิสํ มหิกาโย วิย วิตตํ ๓- โหตีติ อตฺโถ. "วิตฺถตนฺ"ติปิ ปาโฐ. ๔- อิทมฺปิ เทวทูเต อวุตฺตกมฺมกรณเมว.

[๖๗๖] อถ โลหมยนฺติ อยํ ปน โลหกุมฺภี ปฐวิปริยนฺติกา จตุนหุตาธิกานิ เทฺวโยชนสตสหสฺสานิ คมฺภีรา สมติตฺติกา ตตฺตโลหปูรา โหติ. ปจฺจนฺติ หิ ตาสุ จิรรตฺตนฺติ ตาสุ กุมฺภีสุ ทีฆรตฺตํ ปจฺจนฺติ. อคฺคินิสมาสูติ อคฺคิสมาสุ. สมุปฺปิลวาเตติ ๕- สมุปฺปลวนฺตา, สกิมฺปิ อุทฺธํ สกิมฺปิ อโธ คจฺฉมานา เผณุทฺเทหกํ ปจฺจนฺตีติ วุตฺตํ โหติ. เทวทูเต วุตฺตนเยเนว ตํ เวทิตพฺพํ.