[๖๙๙] เตรสายํ สมฺโพธิยคฺคนฺติ สพฺพญฺญุตญฺญาณํ. ตํ หิ อวิปรีตภาเวน สมฺมา พุชฺฌนโต ๓- สมฺโพธิ, กตฺถจิ อาวรณาภาเวน สพฺพญฺญาณุตฺตมโต "อคฺคนฺ"ติ ๔- วุจฺจติ. ผุสิสฺสตีติ ปาปุณิสฺสติ. ปรมวิสุทฺธทสฺสีติ นิพฺพานทสฺสี. ต หิ เอกนฺตวิสุทฺธตฺตา ปรมวิสุทฺธํ. วิตฺถาริกสฺสาติ วิตฺถาริกํ อสฺส. พฺรหฺมจริยนฺติ สาสนํ.

[๗๐๐] จุทฺทสายํ อถนฺตราติ อนฺตรา เอว อสฺส, สมฺโพธิปฺปตฺติโต โอรโต เอวาติ วุตฺตํ โหติ. น สุสฺสนฺติ ๕- น สุณิสฺสํ. อสมธุรสฺสาติ อสมวีริยสฺส. อฏฺโฏติ อาตุโร. พฺยสนํ คโตติ สุขวินาสํ ปตฺโต. อฆาวีติ ทุกฺขิโต, สพฺพํ โทมนสฺสุปฺปาทเมว สนฺธายาห. โทมนสฺเสน หิ โส อาตุโร. ตญฺจสฺส

@๒ ก. พุทฺธานุภาวํ ๓ ก. สมฺมาสมฺพุชฺฌนโต