"เอวํ ททนฺติ ญาตีนํ เย โหนฺติ อนุกมฺปกา

สุจึ ปณีตํ กาเลน กปฺปิยํ ปานโภชนนฺ"ติ. วตฺวา ปุน เยน ปกาเรน ทินฺนํ เตสํ ทินฺนํ โหติ, ตํ ทสฺเสนฺโต "อิทํ โว ญาตีนํ โหตู"ติ จตุตฺถคาถาย ปุพฺพฑฺฒํ ๑- อาห. ตํ ตติยคาถาย ปุพฺพฑฺเฒน สมฺพนฺธิตพฺพํ:-

"เอวํ ททนฺติ ญาตีนํ, เย โหนฺติ อนุกมฺปกา.

อิทํ โว ญาตีนํ โหตุ, สุขิตา โหนฺตุ ญาตโย"ติ. เตน "อิทํ โว ญาตีนํ โหตูติ เอวํ ททนฺติ, โน อญฺญถา"ติ เอตฺถ อาการฏฺเฐน เอวํ สทฺเทน ทาตพฺพาการนิทสฺสนํ กตํ โหติ.