อานนฺทตฺเถโร ภควนตํ ปุจฺฉิ "อหํ ภควโต มาตาปิตโร ชานามิ, อิเม ปน กสฺมา วทนฺติ `อหํ พุทฺธมาตา อหํ พุทฺธปิตา'ติ. "ภควา อาห "นิรนฺตรํ เม อานนฺท พฺราหฺมณี จ พฺราหฺมโณ จ ปญฺจ ชาติสตานิ มาตาปิตโร อเหสุํ, ปญฺจ ชาติสตานิ มาตาปิตูนํ เชฏฺฐกา, ปญฺจ ชาติสตานิ กนิฏฺฐกา, เต ปุพฺพสิเนเหเนว กเถนฺตี"ติ อิมญฺจ คาถํ อภาสิ:-

"ปุพฺเพว สนฺนิวาเสน ปจฺจุปฺปนฺนหิเตน วา

เอวนฺตํ ชายเต เปมํ อุปฺปลํว ยโถทเก"ติ. ๑-