วิวฏจฺฉทสฺส อิทมีทิสํ ปทนฺ"ติ. ๓-

อยํ หิ ๔- เตสํ กถา วิปฺปกตา, อถ ภควา กตภตฺตกิจฺโจ ตเมว วนสณฺฑํ อาคโต. พฺราหฺมณี ภควโต วรลกฺขณขจิตํ พฺยามปฺปภาปริกฺขิตฺตํ รูปํ ทิสฺวา พฺราหฺมณํ อาห "เอส ตยา พฺราหฺมณ ทิฏฺโฐ"ติ. อาม โภตีติ. ๕- อยํ กาเม น ปริภุญฺชิสฺสติ, ๕- อาคตกมฺมํ น สมฺปชฺชิสฺสเตว, เอวรูโป นาม กาเม ปริภุญฺชิสฺสตีติ เนตํ ฐานํ วิชฺชตีติ. เตสํ เอวํ วทนฺตานญฺเญว ภควา ติณสนฺถารเก นิสีทิ. อถ พฺราหฺมโณ ธีตรํ วาเมน หตฺเถน คเหตฺวา กมณฺฑลุํ ทกฺขิเณน หตฺเถน คเหตฺวา ภควนฺตํ อุปสงฺกมิตฺวา "โภ ปพฺพชิต ตฺวญฺจ สุวณฺณวณฺโณ อยญฺจ ทาริกา, อนุจฺฉวิกา เอสา ตว, อิมาหํ โภโต ภริยํ โปสาวนตฺถาย ทมฺมี"ติ วตฺวา ภควโต สนฺติกํ คนฺตฺวา ทาตุกาโม ๖- อฏฺฐาสิ. ภควา พฺราหฺมณํ อนาลปิตฺวา อญฺเญน สทฺธึ สลฺลปมาโน วิย "ทิสฺวาน ตณฺหนฺ"ติ อิมํ คาถํ อภาสิ.

@กาเมสุ คธิโตติ ๓ ธมฺมปท.อ. ๒/๔๐, วิสุทฺธิ ๑/๑๓๒ (สฺยา), มโน.ปู. ๑/๓๘๒