[๙๒๕] อิทานิสฺส อกรณวิธึ ทสฺเสนฺโต "เสยฺโย น เตนา"ติ คาถมาห. ตสฺสตฺโถ:- เตเนว ๔- มาเนน "เสยฺโยหนฺ"ติ วา "นีโจหนฺ"ติ วา "สริกฺโขหนฺ"ติ วาปิ น มญฺเญยฺย, เตหิ จ อุจฺจากุลีนตาทีหิ คุเณหิ ปุฏฺโฐ อเนกรูเปหิ "อหํ อุจฺจากุลา ปพฺพชิโต"ติอาทินา นเยน อตฺตานํ วิกปฺเปนฺโต น ติฏฺเฐยฺย.

[๙๒๖] เอวํ มานปฺปหานวเสนปิ เทเสตฺวา อิทานิ สพฺพกิเลสูปสมวเสนปิ ทสฺเสตุํ "อชฺฌตฺตเมวา"ติ คาถมาห. ตตฺถ อชฺฌตฺตเมวุปสเมติ อตฺตนิ เอว ราคาทิสพฺพกิเลเส อุปสเมยฺย. น อญฺญโต ภิกฺขุ สนฺติเมเสยฺยาติ ฐเปตฺวาว ๕- สติปฏฺฐานาทีนิ อญฺเญน อุปาเยน สนฺตึ น ปริเยเสยฺย. กุโต นิรตฺตํ วาติ นิรตฺตํ ๖- กุโต เอว.

@๓ ก. มานํ ๔ ฉ.ม.,อิ. เตน จ