อมฺหากญฺจ กตา ปูชา ทายกา จ อนิปฺผลา"ติ วตฺวา ปุน เตสํ ปิตฺติวิสยูปปนฺนานํ อญฺญสฺส กสิโครกฺขาทิโน สมฺปตฺติปฏิลาภ- การณสฺส อภาวํ อิโต ทินฺเนน ยาปนภาวญฺจ ทสฺเสนฺโต "น หิ ตตฺถ กสี อตฺถี"ติ ฉฏฺฐคาถาย ปจฺฉิมฑฺฒญฺจ ๓- "วณิชฺชา ตาทิสี"ติ อิมํ สตฺตมคาถญฺจ อาห.

ตตฺรายํ อตฺถวณฺณนา:- น หิ มหาราช ตตฺถ ปิตฺติวิสเย กสิ อตฺถิ, ยํ นิสฺสาย เต เปตา สมฺปตฺตึ ปฏิลเภยฺยุํ. โครกฺเขตฺถ น วิชฺชตีติ น เกวลํ กสิ ๔- เอว, โครกฺขาปิ เอตฺถ ปิตฺติวิสเย น วิชฺชติ, ยํ นิสฺสาย เต

@โถเมนฺโต ๓ ฉ.ม. ปจฺฉิมทฺธํ ๔ สี. กสี สมฺปตฺตึ ปฏิลเภยฺยุํ. วณิชฺชา ตาทิสี นตฺถีติ วณิชฺชาปิ ตาทิสี นตฺถิ, ยา เตสํ สมฺปตฺติปฏิลาภเหตุ ภเวยฺย. หิรญฺเญน กยากยนฺติ ๑- หิรญฺเญน กยวิกฺกยมฺปิ ตตฺถ ตาทิสํ นตฺถิ, ยํ เตสํ สมฺปตฺติปฏิลาภเหตุ ภเวยฺย. อิโต ทินฺเนน ยาเปนฺติ, เปตา กาลคตา ตหินฺติ เกวลนฺตุ ๒- อิโต ญาตีหิ วา มิตฺตามจฺเจหิ วา ทินฺเนน ยาเปนฺติ, อตฺตภาวํ คเมนฺติ. เปตาติ ปิตฺติวิสยูปปนฺนา สตฺตา. กาลคตาติ ๓- อตฺตโน มรณกาเลน คตา, ๔- "กาลกตา"ติ วา ปาโฐ, กตกาลา กตมรณาติ อตฺโถ. ตหินฺติ ตสฺมึ ปิตฺติวิสเย.