อถวา ยา ปุพฺเพ สุวณฺณตาทีหิ อวุตฺตา "สูรา สติมนฺโต อิธ พฺรหฺมจริยวาโส"ติ เอวมาทินา ๑- นเยน นิทฺทิฏฺฐา ปญฺญาเวยฺยตฺติยาทิเภทา จ มานุสฺสิกา สมฺปตฺติ, อปรา เทวโลเก จ ยา ฌานาทิรติ, ยา จ ยถาวุตฺตปฺปการา นิพฺพานสมฺปตฺติ จาติ อิทมฺปิ ตติยํ โอธิโส สพฺพเมเตน ลพฺภตีติ. เอวเมตฺถ อตฺถวณฺณนา เวทิตพฺพา.

จุทฺทสมคาถาวณฺณนา

[๑๔] เอวมิมาย คาถาย ปุญฺญานุภาเวน ลภิตพฺพํ สทฺธานุสาริภาวาทิ- วเสน ปตฺตพฺพํ นิพฺพานสมฺปตฺติมฺปิ ทสฺเสตฺวา อิทานิ เตวิชฺชอุภโตภาควิมุตฺติ- วสีภาววเสนาปิ ปตฺตพฺพํ ตเมว ตสฺส อุปายญฺจ ทสฺเสนฺโต:-