มารณตฺถเมว โอปาตขณนํ อปสฺเสนอุปนิกฺขิปนํ เภสชฺชวิสยนฺตาทิปฺปโยชนํ วา ถาวโร ปโยโค. โสปิ อุทฺทิสฺสานุทฺทิสฺสเภทโต ทุพฺพิโธ, ยโต ตตฺถาปิ ปุพฺเพ วุตฺตนเยเนว กมฺมพนฺโธ เวทิตพฺโพ. อยนฺตุ วิเสโส:- มูลฏฺเฐน โอปาตาทีสุ ปเรสํ มูเลน วา มุธา วา ทินฺเนสุปิ ยทิ ตปฺปจฺจยา โกจิ มรติ,

@น ทิสฺสติ มูลฏฺฐสฺเสว กมฺมพนฺโธ. ยทิปิ จ เตน อญฺเญน วา ตตฺถ โอปาเต วินาเสตฺวา ภูมิสเม กเตปิ ปํสุโธวกา วา ปํสุคณฺหนฺตา มูลขณนกา วา มูลานิ ขณนฺตา อาวาฏํ กโรนฺติ, เทเว วสฺสนฺเต กทฺทโม ชายติ, ตตฺถ จ โกจิ โอตริตฺวา วา ลคฺคิตฺวา วา มรติ, มูลฏฺฐสฺเสว กมฺมพนฺโธ. ยทิ ปน เยน ลทฺธํ, โส อญฺโญ วา วิตฺถตตรํ ๑- วา คมฺภีรตรํ วา กโรติ, ตปฺปจฺจยาว โกจิ มรติ, อุภเยสมฺปิ กมฺมพนฺโธ. ยถา ตุ มูลานิ มูเลหิ สํสชฺชนฺติ, ตถา ตตฺถ ถเล กเต มุจฺจติ. เอวํ อปสฺเสนาทีสุปิ ยาว เตสํ ปวตฺติ, ตาว ยถาสมฺภวํ กมมพนฺโธ เวทิตพฺโพ.

มารณตฺถมฺปน วิชฺชาปริชปฺปนํ วิชฺชามโย นาม ปโยโค. ทาฐาวุธาทีนํ ทาฐาโกฏนาทิ วิย ๒- มารณตฺถํ กมฺมวิปากชิทฺธิวิการกรณํ อิทฺธิมโย ปโยโคติ. อทินฺนาทานสฺส ตุ เถยฺยปสยฺหปฏิจฺฉนฺนปริกปฺปกุสาวหารวสปฺปวตฺตา สาหตฺถิกาณตฺติกาทโย ปโยคา, เตสมฺปิ วุตฺตานุสาเรเนว ปเภโท เวทิตพฺโพ. อพฺรหฺมจริยาทีนมฺปน ติณฺณมฺปิ สาหตฺถิโก เอว ปโยโค ลพฺภตีติ. เอวเมตฺถ ปโยคโตปิ วิญฺญาตพฺโพ วินิจฺฉโย.