สตฺถา อิมํ ธมฺมเทสนํ อาหริตฺวา "ตทา ภิกฺขเว ราชา อานนฺโท อโหสิ, เทวโล ติสฺโส, นารโท อหเมว, เอวํ ตทาเปส ทุพฺพโจเยวาติ วตฺวา ติสฺสตฺเถรํ อามนฺเตตฺวา "ติสฺส ภิกฺขุโน หิ `อสุเกนาหํ อกฺกุฏฺโฐ, อสุเกน ปหโฏ, อสุเกน ชิโต, อสุโก เม ภณฺฑํ อหาสีติ จินฺเตนฺตสฺส เวรนฺนาม น วูปสมฺมติ; เอวํ ปน อนุปนยฺหนฺตสฺเสว อุปสมฺมตีติ วตฺวา อิมา คาถา อภาสิ

"อกฺโกจฺฉิ มํ, อวธิ มํ, อชินิ มํ, อหาสิ เม,

เย จ ตํ อุปนยฺหนฺติ, เวรํ เตสํ น สมฺมติ.