น จิรสฺเสว กุกฺกุฏี อณฺฑานิ วิชายิ. มชฺชารี อาคนฺตฺวา ตานิ ขาทิ. ทุติยมฺปิ ตติยมฺปิ ขาทิเยว. กุกฺกุฏี "ตโย วาเร มม อณฺฑานิ ขาทิตฺวา, อิทานิ มํปิ ขาทิตุกามาสิ; อิโตทานิ จุตา ตํ สปุตฺตกํ ขาทิตุํ ลเภยฺยนฺติ ปตฺถนํ กตฺวา ตโต จุตา ทีปินี หุตฺวา นิพฺพตฺติ. อิตราปิ มิคี หุตฺวา นิพฺพตฺติ. ตสฺสา วิชาตวิชาตกาเล ทีปินี อาคนฺตฺวา ตโย วาเร ปุตฺตเก ขาทิ. มิคี มรณกาเล "อิมาย เม ติกฺขตฺตุํ ปุตฺตา ขาทิตา, อิทานิ