โกสมฺพีวาสิโนปิ โข อุปาสกา วิหารํ คนฺตฺวา สตฺถารํ อปสฺสนฺตา "กุหึ ภนฺเต สตฺถาติ ปุจฺฉึสุ. เต ภิกฺขู อาหํสุ "ปาริเลยฺยกวนสณฺฑํ คโตติ. "กึการณา ภนฺเตติ. "อมฺเห สมคฺเค กาตุํ วายมิ, มยํ ปน น สมคฺคา อหุมฺหาติ. "ภนฺเต ตุมฺเห สตฺถุ สนฺติเก ปพฺพชิตฺวา, ตสฺมึ สามคฺคึ กโรนฺเตปิ, สมคฺคา น อหุวตฺถาติ. "เอวมาวุโสติ. มนุสฺสา "อิเม สตฺถุ สนฺติเก ปพฺพชิตฺวา, ตสฺมึ สามคฺคึ กโรนฺเตปิ, สมคฺคา น ชาตา; มยํ อิเม นิสฺสาย สตฺถารํ ทฏฺฐุํ น ลภิมฺหา;

สตฺถา ปน เตน หตฺถินา อุปฏฺฐิยมาโน สุขํ วสิ. โสปิ คณํ ปหาย ผาสุวิหารตฺถาย ตํ วนสณฺฑํ ปาวิสิ. ยถาห? "อหํ โข ๑- อากิณฺโณ วิหรามิ หตฺถีหิ หตฺถินีหิ หตฺถิกลเภหิ ๒- หตฺถิจฺฉาเปหิ, ฉินฺนคฺคานิ เจว ติณานิ ขาทามิ, โอภคฺโคภคฺคญฺจ เม สาขาภงฺคํ ขาทนฺติ, อาวิลานิ จ ปานียานิ ปิวามิ, โอคาหนฺตสฺส ๓- เม อุตฺติณฺณสฺส หตฺถินิโย กายํ อุปนิฆํสนฺติโย คจฺฉนฺติ, ๔- ยนฺนูนาหํ เอโก คณมฺหา วูปกฏฺโฐ วิหเรยฺยนฺติ. อถโข โส หตฺถินาโค ยูถา อปกฺกมฺม, เยน ปาริเลยฺยกํ รกฺขิตวนสณฺโฑ ภทฺทสาลมูลํ เยน ภควา, เตนุปสงฺกมิ; อุปสงฺกมิตฺวา ๕- จ ปน ภควนฺตํ วนฺทิตฺวา โอโลเกนฺโต อญฺญํ