ปาณาติปาตา เวรมณิยา เจตฺถ องฺคปจฺจงฺคสมฺปนฺนตา อาโรหปริณาหสมฺปตฺติชวสมฺปตฺติตา สุปฺปติฏฺฐิตปาทตา จารุตา มุทุตา สุจิตา สูรตา มหพฺพลตา วิสฺสตฺถวจนตา โลกปิยตา เนลตา อเภชฺชปริสตา อจฺฉมฺภิตา

@๒๓/๑๓๐/๑๕๒ (สยา) ทุปฺปธํสิตา ๑- ปรูปกฺกเมนามรณตา อนนฺตปริวารตา สุรูปตา สุสณฺฐานตา อปฺปาพาธตา อโสกิตา ปิเยหิ มนาเปหิ สทฺธึ อวิปฺปโยคตา ทีฆายุกตาติ เอวมาทีนิ ผลานิ.

อทินฺนาทานา เวรมณิยา มหทฺธนตา ปหูตธนธญฺญตา อนนฺตโภคตา อนุปฺปนฺนโภคุปฺปตฺติตา อุปฺปนฺนโภคถาวรตา อิจฺฉิตานํ โภคานํ ขิปฺปปฏิลาภิตา ราชโจรุทกคฺคิอปฺปิยทายาทาทีหิ อสาธารณโภคตา อสาธารณธนปฏิลาภตา โลกุตฺตรธนปฏิลาภตา นตฺถิภาวสฺส อชานนตา อสวนตา ๒- สุขวิหาริตาติ เอวมาทีนิ.