อเปโต ทมสจฺเจน, น โส กาสาวมรหติ,

โย จ วนฺตกสาวสฺส สีเลสุ สุสมาหิโต

อุเปโต ทมสจฺเจน, ส เว กาสาวมรหตีติ. ๒- ฉทฺทนฺตชาตเกนาปิ อยมตฺโถ ทีเปตพฺโพติ.

ตตฺถ "อนิกฺกสาโวติ: กามราคาทีหิ กสาเวหิ สกสาโว. ปริทเหสฺสตีติ: นิวาสนปารุปนตฺถรณวเสน ปริภุญฺชิสฺสติ. "ปริ- ทหิสฺสตีติปิ ปาโฐ. อเปโต ทมสจฺเจนาติ: อินฺทฺริยทมเนน เจว ปรมตฺถสจฺจปกฺขิเกน จ วจีสจฺเจน อเปโต. "วิยุตฺโตติ อตฺโถ. น โสติ: โส เอวรูโป ปุคฺคโล กาสาวํ ปริทหิตุํ นารหติ.