อพฺรหฺมจริยา เวรมณิยา วิคตปจฺจตฺถิกตา สพฺพชนสฺส ปิยตา อนฺนปานวตฺถสยนาทีนํ ปฏิลาภิตา สุขสยนตา สุขปฏิพุชฺฌนตา อปายภยวินิมุตฺตตา อิตฺถิภาวปฺปฏิลาภสฺส วา นปุํสกภาวปฺปฏิลาภสฺส วา อภพฺพตา อกฺโกธนตา สกฺกจฺจการิตา ๓- ปจฺจกฺขการิตา อปติตกฺขนฺธตา อนโธมุขตา อิตฺถิปุริสานํ อญฺญมญฺญปิยตา ปริปุณฺณินฺทฺริยตา ปริปุณฺณลกฺขณตา นิราสงฺกตา อปฺโปสฺสุกฺกตา สุขวิหาริตา อกุโตภยตา ปิยวิปฺปโยคาภาวตาติ เอวมาทีนิ.

มุสาวาทา เวรมณิยา วิปฺปสนฺนินฺทฺริยตา วิสฺสฏฺฐมธุรภาณิตา สมสิตสุทฺธทนฺตตา นาติถูลตา นาติกีสตา นาติรสฺสตา นาติทีฆตา สุขสมฺผสฺสตา อุปฺปลคนฺธมุขตา สุสฺสูสกปริชนตา อาเทยฺยวจนตา กมลุปฺปลทลสทิสมุทุโลหิตตนุ ชิวฺหตา อนุทฺธตตา อปคตมมฺมนตา ๔- เอวมาทีนิ.

สุราเมรยมชฺชปมาทฏฺฐานา เวรมณิยา อตีตานาคตปจฺจุปฺปนฺเนสุ กิจฺจกรณีเยสุ ๕- ขิปฺปํ ปฏิวิชานนตา สทา อุปฏฺฐิตสติตา อนุมฺมตฺตกตา ญาณวนฺตตา อเนฬตา ๖- อชฬตา อมูคตา ๗- อมทตา ๗- อปฺปมตฺตตา อสมฺโมหตา อจฺฉมฺภิตา อสารมฺภิตา อนิสฺสุกิตา ๘- อปฺโปสฺสุกฺกตา ๙- สุขิตตา อภิสมฺมตตา ๙- สจฺจวาทิตา อปิสุณตา อผรุสตา อสมฺผปฺปลาปวาทิตา รตฺติทิวมตนฺทิตตา กตญฺญุตา กตเวทิตา อมจฺฉริยตา จาควนฺตตา สีลวนฺตตา อุชุกตา อกฺโกธนตา หิริมนตา โอตฺตปฺปิตา อุชุทิฏฺฐิตา มหาปญฺญตา เมธาวิตา ปณฺฑิตตา อตฺถานตฺถกุสลตาติ