วนฺตกสาวสฺสาติ: จตูหิ มคฺเคหิ วนฺตกสาโว ฉฑฺฑิตกสาโว ปหีนกสาโว อสฺส. สีเลสูติ: จตูสุ ปาริสุทฺธิสีเลสุ. สุสมาหิโตติ: สุฏฺฐุ สมาหิโต สุฏฺฐุ ฐิโต. อุเปโตติ: อินฺทฺริยทมเนน เจว วุตฺตปฺปกาเรน จ วจีสจฺเจน อุเปโต. ส เวติ: โส เอวรูโป ปุคฺคโล ตํ กาสาววตฺถํ อรหตีติ.
คาถาปริโยสาเน โส ทิสาวาสิโก ภิกฺขุ โสตาปนฺโน ชาโต. อญฺเญปิ พหู โสตาปตฺติผลาทีนิ ปาปุณึสุ. เทสนา มหาชนสฺส สาตฺถิกา อโหสีติ.
เทวทตฺตวตฺถุ.