"โยเชตพฺพํ ตโต ยุตฺตํ ปจฺฉิเมสฺวปิ ปญฺจสุ

อาเวณิกญฺจ วตฺตพฺพํ เญยฺยา ทีนาทิตาปิ จา"ติ.

ตสฺสา ยํ อตฺถวณฺณา:- เอติสฺสา ปุริมปญฺจสิกฺขาปทวณฺณนาย ยํ ยุชฺชติ, ตํ ตโต คเหตฺวา ปจฺฉิเมสฺวปิ ปญฺจสุ สิกฺขาปเทสุ โยเชตพฺพํ. ตตฺถายํ โยชนา:- ยเถว หิ ปุริมสิกฺขาปเทสุ อารมฺมณโต จ สุราเมรยมชฺชปมาทฏฺฐานํ รูปายตนาทิอญฺญตรสงฺขารารมฺมณํ, ตถา อิธ วิกาลโภชนมฺปีติ. เอเตเนว นเยน สพฺเพสํ อารมฺมณเภโท เวทิตพฺโพ. อาทานโต จ ยถา ปุริมานิ สามเณเรน วา อุปาสเกน วา สมาทิยนฺเตน สมาทินฺนานิ โหนฺติ ตถา เอตานิปิ, องฺคโตปิ ยถา ตตฺถ ปาณาติปาตาทีนํ องฺคเภโท วุตฺโต, เอวมิธาปิ วิกาลโภชนสฺส จตฺตาริ องฺคานิ วิกาโล, ยาวกาลิกํ อชฺโฌหรณํ อนุมฺมตฺตกตาติ. เอเตนานุสาเรน เสสานมฺปิ องฺควิภาโค เวทิตพฺโพ. ยถา จ ตตฺถ สมุฏฐานโต สุราเมรยมชฺช- ปมาทฏฺฐานํ กายโต จ กายจิตฺตโต จาติ ทฺวิสมุฏฺฐานํ, เอวมิธาปิ วิกาลโภชนํ. เอเตเนว นเยน สพฺเพสํ สมุฏฺฐานํ เวทิตพฺพํ. ยถา จ ตตฺถ เวทนาโต อทินฺนาทานํ ตีสุ เวทนาสุ อญฺญตรเวทนาสมฺปยุตฺตํ, ตถา อิธาปิ วิกาลโภชนํ. เอเตเนว นเยน สพฺเพสํปิ เวทนาสมฺปโยโค เวทิตพฺโพ. ยถา จ ตตฺถ อพฺรหฺมจริยํ โลภโมหมูลํ, เอวมิธาปิ วิกาลโภชนํ. อปรานิ จ เทฺว เอเตเนว นเยน สพฺเพสมฺปิ มูลเภโท เวทิตพฺโพ. ยถา จ ตตฺถ ปาณาติปาตาทโย กายกมฺมํ เอวมิธาปิ วิกาลโภชนาทีนิ. ชาตรูปรชตปฏิคฺคหณมฺปน กายกมฺมํ วา สิยา วจีกมฺมํ วา มโนกมฺมํ วา กายทฺวาราทีหิ ปวตฺติตสภาวปริยาเยน, น กมฺมปถวเสน. วิรมโตติ ยถา จ ตตฺถ วิรมนฺโต อตฺตโน วา ปเรสํ วา ปาณาติปาตาทิอกุสลโต วิรมติ เอวมิธาปิ วิกาลโภชนาทิอกุสลโต วา กุสลโตปิ วา เอกโต, ยถา จ ปุริมา ปญฺจ เวรมณิโย จตุสมุฏฺฐานา กายโต, กายจิตฺตโต, วาจาจิตฺตโต, กายวาจาจิตฺตโต จาติ, สพฺพาปิ สุขเวทนาสมฺปยุตฺตา วา อทุกฺขม- สุขเวทนาสมฺปยุตฺตา วา, อโลภาโมหมูลา ๑- วา, อโลภาโทสาโมหมูลา วา, สพฺพาว นานปฺปการอิฏฺฐผลนิพฺพตฺตกา, ตถา จ อิมานิปีติ ๒- เอวํ:-

"โยเชตพฺพํ ตโต ยุตฺตํ ปจฺฉิเมสฺวปิ ปญฺจสุ