@๒๗/๑๓๗. ตทฏฺฐกถา. ๔/๒๗๕. มหาปตาปราชภูตสฺส ตสฺส ปฐวึ ปวิฏฺฐภาวํ ทีเปตุํ จุลฺลธมฺม- ปาลชาตกญฺจ ๑- กเถสิ.

ปฐวึ ปวิฏฺเฐ ปน เทวทตฺเต, มหาชโน หฏฺฐตุฏฺโฐ ธชปตากกทลิโย อุสฺสาเปตฺวา ปุณฺณฆเฏ ฐเปตฺวา "ลาภา วต โนติ มหนฺตํ ฉณํ อนุโภติ. ตมตฺถํ ภควโต อาโรเจสุํ. ภควา "น ภิกฺขเว อิทาเนว เทวทตฺเต มเต มหาชโน ตุสฺสติ, ปุพฺเพปิ ตุสฺสิเยวาติ วตฺวา, สพฺพชนสฺส อปฺปิเย จณฺเฑ ผรุเส พาราณสิยํ ปิงฺคลราเช นาม มเต มหาชนสฺส ตุฏฺฐภาวํ ทีเปตุํ

"สพฺโพ ชโน หึสิโต ปิงฺคเลน,

ตสฺมึ มเต, ปจฺจยํ เวทยนฺติ,