"พุทฺโธติ วจนํ สุตฺวาว ปญฺจสตา ตาปสา อุฏฺฐาย เทวตาย อญฺชลึ ปคฺคยฺห `พุทฺโธติ วเทสีติ, ๒- "พุทฺโธติ วทามีติ ติกฺขตฺตุํ ปฏิชานาเปตฺวา, "โฆโสปิ โข เอโส ทุลฺลโภ โลกสฺมินฺติ อุทานํ อุทาเนตฺวา, "เทวเต อเนเกสุ กปฺปสตสหสฺเสสุ อสฺสุตปุพฺพํ สทฺทํ ตยา สุณาปิตมฺหาติ อาหํสุ. อถนฺเตวาสิกา อาจริยํ เอตทโวจุํ "เตนหิ สตฺถุ สนฺติกํ คจฺฉามาติ. "ตาตา ตโย เสฏฺฐิโน อมฺหากํ พหุปการา, เสฺว เตสํ นิเวสเน ภิกฺขํ คณฺหิตฺวา เตสมฺปิ อาจิกฺขิตฺวา คมิสฺสาม, อธิวาเสถ ตาตาติ. เต อธิวาสยึสุ. ปุนทิวเส เสฏฺฐิโน

เตปิ โข ตโย เสฏฺฐิโน ปญฺจหิ ปญฺจหิ สกฏสเตหิ วตฺถจฺฉาทนสปฺปิมธุผาณิตาทีนิ ทานุปกรณานิ อาทาย สาวตฺถึ ปตฺวา เชตวนํ ปวิสิตฺวา สตฺถารํ วนฺทิตฺวา ธมฺมกถํ สุตฺวา กถาปริโยสาเน โสตาปตฺติผเล ปติฏฺฐาย อฑฺฒมาสมตฺตํ ทานํ