สญฺญตสฺส จ ธมฺมชีวิโน

อปฺปมตฺตสฺส ยโสภิวฑฺฒตีติ.

ตตฺถ อุฏฺฐานวโตติ: อุฏฺฐานวิริยวนฺตสฺส. สตีมโตติ: สติสมฺปนฺนสฺส. สุจิกมฺมสฺสาติ: นิทฺโทเสหิ นิรปราเธหิ กายกมฺมาทีหิ สมนฺนาคตสฺส. นิสมฺมการิโนติ: "เอวญฺเจ ภวิสฺสติ, เอวํ กริสฺสามีติ วา "อิมสฺมึ กมฺเม เอวํ กเต, อิทนฺนาม ภวิสฺสตีติ วา เอวํ นิทานํ สลฺลกฺเขตฺวา โรคติกิจฺฉนํ วิย สพฺพกมฺมานิ นิสาเมตฺวา อุปธาเรตฺวา กโรนฺตสฺส. สญฺญตสฺสาติ: กายาทีหิ สญฺญตสฺส นิจฺฉิทฺทสฺส. ธมฺมชีวิโนติ: อาคาริกสฺส ตุลากุฏาทีนิ วชฺเชตฺวา กสิโครกฺขาทีหิ อนาคาริกสฺส เวชฺชกมฺมทูตกมฺมาทีนิ วชฺเชตฺวา ธมฺเมน สเมน ภิกฺขาจริยา ๒- ชีวิตํ ๓- กปฺเปนฺตสฺส. อปฺปมตฺตสฺสาติ: อวิปฺปวุตฺถสติโน. ยโสภิวฑฺฒตีติ: อิสฺสริยโภคสมฺมานสงฺขาโต เจว