อฏฺฐารเสตานิ ฐานานิ อิติ วิญฺญาย ปณฺฑิโต

อารกา ปริวชฺเชยฺย มคฺคํ สปฺปฏิภยํ ยถา"ติ ๒- เอวํ อฏฺฐารส เสนาสนานิ ปริวชฺเชตพฺพานีติ วุจจนฺติ, ตานิ ปริวชฺเชตฺวา, ยนฺตํ:-

กถญฺจ ภิกฺขเว เสนาสนํ ปญฺจงฺคสมนฺนาคตํ โหติ, อิธ ภิกฺขเว เสนาสนํ คามโต นาติทูรํ โหติ, นาจฺจาสนฺนํ คมนาคมนสมฺปนฺนํ ทิวา อปฺปกิณฺณํ รตฺตึ อปฺปสทฺทํ อปฺปนิคฺโฆสํ อปฺปฑํสมกสวาตาตปสิรึสปสมฺผสฺสํ, ตสฺมึ โข ปน เสนาสเน วิหรนฺตสฺส อปฺปกสิเรเนว อุปฺปชฺชนฺติ จีวรปิณฺฑปาตเสนาสนคิลานปจฺจยเภสชฺชปริกฺขารา, ตสฺมึ โข ปน เสนาสเน เถรา ภิกฺขู วิหรนฺติ พหุสฺสุตา อาคตาคมา ธมฺมธรา วินยธรา