พนฺธุลเสนาปติสฺสปิ โข กุสินารายํ มลฺลราชธีตา มลฺลิกา นาม ภริยา ทีฆรตฺตํ น วิชายิ. อถ นํ พนฺธุโล "อตฺตโน กุลฆรเมว คจฺฉาติ อุยฺโยเชสิ. สา "สตฺถารํ ทิสฺวาว คมิสฺสามีติ เชตวนํ ปวิสิตฺวา ตถาคตํ วนฺทิตฺวา ฐิตา "กหํ คจฺฉสีติ วุตฺตา "สามิโก มํ ภนฺเต กุลฆรํ เปเสตีติ อาห. "กึการณาติ. "วญฺฌา กิรสฺมิ อปุตฺติกาติ. "ยทิ เอวํ, คมนกิจฺจํ นตฺถิ, นิวตฺตสฺสูติ. สา ตุฏฺฐมานสา หุตฺวา สตฺถารํ วนฺทิตฺวา นิเวสนํ คนฺตฺวา, "กสฺมา นิวตฺตาสีติ วุตฺเต, ๒- "ทสพเลน นิวตฺติตมฺหีติ อาห. พนฺธุโล "ทิฏฺฐํ ภวิสฺสติ ทีฆทสฺสินา การณนฺติ สมฺปฏิจฺฉิ. สา น จิรสฺเสว คพฺภํ ปฏิลภิตฺวา อุปฺปนฺนโทหฬา "โทหโฬ เม อุปฺปนฺโนติ อาโรเจสิ. "กึ โทหโฬติ. "เวสาลีนคเร คณราชกุลานํ อภิเสกมงฺคลโปกฺขรณิยํ โอตริตฺวา นหาตฺวา ปานียํ ปาตุกามมฺหิ สามีติ. พนฺธุโล "สาธูติ วตฺวา สหสฺสตฺถามธนุํ คเหตฺวา ตํ รถํ อาโรเปตฺวา สาวตฺถิโต นิกฺขมิตฺวา