ตสฺมึ ปิลนฺธเน จตสฺโส วชิรนาฬิโย อุปโยคํ อคมํสุ, มุตฺตานํ เอกาทส นาฬิโย, ปวาฬสฺส พาวีสติ นาฬิโย, มณีนํ เตตฺตึส นาฬิโย. อิติ เอเตหิ จ อญฺเญหิ จ รตเนหิ นิฏฺฐานํ อคมาสิ. ๑- อสุตฺตมยํ ปสาธนํ, รชเตน สุตฺตกิจฺจํ กรึสุ, ตํ สีเส ปฏิมุกฺกํ ปาทปฺปิฏฺฐึ คจฺฉติ. ตสฺมึ ตสฺมึ ฐาเน มุทฺทิกา โยเชตฺวา กตา สุวณฺณมยา คณฺฐิกา โหนฺติ, รชตมยา ปาสกา, มตฺถกมชฺเฌ เอกา มุทฺทิกา, ทฺวีสุ กณฺณปฺปิฏฺฐีสุ เทฺว, คลวาฏเก เอกา, ทฺวีสุ ชนฺนุเกสุ ๒- เทฺว, ทฺวีสุ กปฺปเรสุ เทฺว, ทฺวีสุ กฏิปฺปเทเสสุ เทฺวติ. ตสฺมึ โข ปน ปสาธเน เอกํ โมรํ กรึสุ. ตสฺส ทกฺขิณปสฺเส ๓- สุวณฺณมยานิ ปญฺจ ปตฺตสตานิ อเหสุํ, วามปสฺเส ๓- ปญฺจ ปตฺตสตานิ, ตุณฺฑํ ปวาฬมยํ, อกฺขีนิ มณิมยานิ, ตถา คีวา จ ปิญฺฉานิ
เปฯ อคมาสีติ นตฺถิ. ๒. ม. ชตฺตูสุ.
@๓. สี. ม. ยุ.....ปกฺเข. จ, ปตฺตนาฬิโย รชตมยา, ตถา ชงฺฆา. โส วิสาขาย มตฺถกมชฺเฌ ปพฺพตกูเฏ ฐตฺวา นจฺจนมยูโร วิย ขายติ. ปตฺตนาฬิสหสฺสสฺส สทฺโท ทิพฺพสงฺคีตํ วิย ปญฺจงฺคิกตุริยโฆโส วิย จ ปวตฺตติ. สนฺติกํ อุปคตาเยว ตสฺส อโมรภาวํ ชานนฺติ. ปสาธนํ นวโกฏิอคฺฆนกํ อโหสิ. สตสหสฺสํ หตฺถกมฺมมูลํ ทียิตฺถ.
"กิสฺส ปน นิสฺสนฺเทน ตาเยตํ ปสาธนํ ลทฺธนฺติ. สา กิร กสฺสปสมฺมาสมฺพุทฺธกาเล วีสติยา ภิกฺขุสหสฺสานํ จีวรสาฏกํ ทตฺวา สุตฺตมฺปิ สูจิโยปิ รชนมฺปิ อตฺตโน สนฺตกเมว อทาสิ. ตสฺส จีวรทานสฺส นิสฺสนฺเทน อิมํ ปสาธนํ ลภิ. อิตฺถีนํ หิ จีวรทานํ มหาลตาปสาธเนน มตฺถกํ ปปฺโปติ, ปุริสานํ อิทฺธิมยปตฺตจีวเรนาติ.