มธูนญฺจ สมาหารํ ปณฺฑิโต ฆรมาวเสติ.

โส อปเรน สมเยน อตฺตโน ปญฺจมหานิธึ ปุตฺตสฺส อนาจิกฺขิตฺวา ธนนิสฺสิโต มจฺเฉรมลมลิโน กาลํ กตฺวา, ตสฺเสว นครสฺส

เปฯ มหาทุกฺขํ ปตฺตา. หุตฺวา อตฺตโน เคหํ ปาวิสิ. ตีสุ นํ ทฺวารโกฏฺฐเกสุ น โกจิ สลฺลกฺเขสิ. จตุตฺถทฺวารโกฏฺฐเก มูลสิริเสฏฺฐิโน ปุตฺตกา ทิสฺวา อุพฺพิคฺคหทยา ปโรทึสุ. อถ นํ เสฏฺฐิปุริสา "นิกฺขม กาลกณฺณีติ โปเถนฺตา นีหริตฺวา สงฺการฏฺฐาเน ขิปึสุ. สตฺถา อานนฺทตฺเถเรน ปจฺฉาสมเณน ปิณฺฑาย จรนฺโต ตํ ฐานํ ปตฺโต เถรํ โอโลเกตฺวา เตน ปุฏฺโฐ ตํ ปวตฺตึ อาจิกฺขิ. เถโร มูลสิรึ ปกฺโกสาเปสิ. มหาชนกาโย สนฺนิปติ. สตฺถา มูลสิรึ อามนฺเตตฺวา "ชานาสิ เอตนฺติ ปุจฺฉิตฺวา, "น ชานามีติ วุตฺเต, "ปิตา เต อานนฺทเสฏฺฐีติ วตฺวา ตํ อสทฺทหนฺตํ "อานนฺทเสฏฺฐิ ปุตฺตสฺส เต ปญฺจมหานิธึ อาจิกฺขาหีติ อาจิกฺขาเปตฺวา สทฺทหาเปสิ. โส สตฺถารํ สรณํ อคมาสิ. สตฺถา ตสฺส ธมฺมํ เทเสนฺโต อิมํ คาถมาห