ตตฺถ ยถา อิฏฺฐกทารุโคปานสิจยาทีสุ น อุปริมา อุปริมา อิฏฺฐกาทโย ชานนฺติ "มยํ เหฏฺฐิเมสุ เหฏฺฐิเมสุ ปติฏฺฐิตา"ติ, นปิ เหฏฺฐิมา เหฏฺฐิมา ชานนฺติ "มยํ อุปริมานิ อุกฺขิปิตฺวา ฐิตา"ติ, เอวเมว น สีสฏฺฐิกานิ ชานนฺติ "มยํ คีวฏฺฐิเกสุ ปติฏฺฐิตานี"ติ ฯเปฯ น โคปฺผกฏฺฐิกานิ ชานนฺติ "มยํ ปิฏฺฐิปาทฏฺฐิเกสุ ปติฏฺฐิตานี"ติ, นปิ ปิฏฺฐิปาทฏฺฐิกานิ ชานนฺติ "มยํ โคปฺผกฏฺฐิกานิ อุกฺขิปิตฺวา ฐิตานี"ติ ฯเปฯ นปิ คีวฏฺฐิกานิ ชานนฺติ "มยํ สีสฏฺฐิกานิ อุกฺขิปิตฺวา ฐิตานี"ติ อาโภคปจฺจเวกฺขณวิรหิตา หิ เอเต ธมฺมา ฯเปฯ น ปุคฺคโลติ. เกวลนฺตุ อิมานิ สาธิกานิ ตีณิ อฏฺฐิสตานิ นวหิ นหารุสเตหิ นวหิ จ มํสเปสิสเตหิ อาพนฺธานุลิตฺตานิ, ๒- เอกฆณจมฺมปริโยนทฺธานิ, ๓-

@๓ อิ. เอกสตจมฺม... สตฺตรสหรณีสหสฺสานุคตสิเนหิตานิ, นวนวุติโลมกูปสหสฺสปริสฺสวมานเสทชลฺลิกานิ, อสีติกิมิกุลานิ, กาโยเตฺวว สงฺขยํ คตานีติ เอวํ ๑- กายํ สภาวโต อุปปริกฺขนฺโต โยคาวจโร น กิญฺจิ คยฺหูปคํ ปสฺสติ, เกวลนฺตุ นหารุสมฺพนฺธํ นานากุณปสํกิณฺณํ อฏฺฐิสงฺฆาฏเมว ปสฺสติ. ยํ ทิสฺวา ทสพลสฺส ปุตฺตภาวํ อุเปติ. ยถาห:-

ปฏิปาฏิยฏฺฐีนิ ฐิตานิ โกฏิยา