"น ตํ กมฺมํ กตํ สาธุ ยํ กตฺวา อนุตปฺปติ,

ยสฺส อสฺสุมุโข โรทํ วิปากํ ปฏิเสวตีติ.

ตตฺถ "ยํ กตฺวาติ: ยํ นิรยาทีสุ นิพฺพตฺตนสมตฺถํ ทุกฺขุทฺริยํ กมฺมํ กตฺวา อนุสฺสรนฺโต อนุสฺสริตานุสฺสริตกฺขเณ อนุตปฺปติ อนุโสจติ, ตํ กตํ น สาธุ น สุนฺทรํ น สิลิฏฺฐกํ. ยสฺส อสฺสุมุโขติ: ยสฺส อสฺสูหิ ตินฺตมุโข โรทนฺโต วิปากํ อนุโภตีติ.

เทสนาวสาเน กสกอุปาสโก โสตาปตฺติผลํ ปตฺโต. สมฺปตฺตภิกฺขูปิ พหู โสตาปตฺติผลาทีนิ ปาปุณึสูติ.