2. Dutiyabodhisuttavaṇṇanā

[2] Dutiye paṭilomanti "avijjānirodhā saṅkhāranirodho"tiādinā nayena vutto avijjādikoyeva paccayākāro anuppādanirodhena nirujjhamāno attano kattabbakiccassa akaraṇato paṭilomoti vuccati. Pavattiyā vā vilomanato paṭilomo, antato pana majjhato vā paṭṭhāya ādiṃ pāpetvā avuttattā ito aññenatthenettha paṭilomatā na yujjati. Paṭilomanti ca "visamaṃ candimasūriyā parivattantī"tiādīsu viya bhāvanapuṃsakaniddeso. Imasmiṃ asati idaṃ na hotīti imasmiṃ

@4 cha.Ma. vutto guṇoti pāṭhā na dissanti 5 Ma.mū. 12/30/18 Avijjādike paccaye asati maggena pahīne idaṃ saṅkhārādikaṃ phalaṃ na hoti nappavattati. Imassa nirodhā idaṃ nirujjhatīti imassa avijjādikassa paccayassa nirodhā maggena anuppattidhammataṃ āpāditattā idaṃ saṅkhārādikaṃ phalaṃ nirujjhati, nappavattatīti attho. Idhāpi yathā "imasmiṃ sati idaṃ hoti, imassuppādā idaṃ uppajjatī"ti ettha "imasmiṃ satiyeva, na asati, imassa uppādā eva, na sati, imassa nirodhā eva, na uppādāti antogadhaniyamatā lakkhaṇā dassitāti veditabbaṃ. Sesamettha yaṃ vattabbaṃ, taṃ paṭhamabodhisuttavaṇṇanāya vuttanayānusārena veditabbaṃ.