"yassāsavā parikkhīṇā, āhāre ca anissito,

suññato animitto ca vimokkho yassa gocaro,

ākāseva sakuntānaṃ padantassa duranvayanti.

Tattha "yassāsavāti: yassa cattāro āsavā parikkhīṇā. Āhāre ca anissitoti: āhārasmiñca taṇhādiṭṭhinissayehi anissito. Padantassa duranvayanti: yathā ākāse gacchantānaṃ Sakuṇānaṃ "imasmiṃ ṭhāne pādehi akkamitvā gatā, idaṃ ṭhānaṃ urena paharitvā gatā, idaṃ sīsena, idaṃ pakkhehīti na sakkā ñātuṃ; evameva evarūpassa bhikkhuno "nirayapadena vā gato tiracchānayonipadena vātiādinā nayena padaṃ paññāpetuṃ nāma na sakkāti.