Tattha "gāthā satanti: yo ca puggalo sataparicchedā

Bahū gāthā bhāseyyāti attho. Anatthapadasañhitāti: ākāsavaṇṇanādivasena anatthakehi padehi sañhitā. Dhammapadanti: atthasādhakaṃ khandhādippaṭisaṃyuttaṃ. "cattārīmāni paribbājakā dhammapadāni; katamāni cattāri; anabhijjhā paribbājakā dhammapadaṃ, abyāpādo paribbājakā dhammapadaṃ, sammāsati paribbājakā dhammapadaṃ, sammāsamādhi paribbājakā dhammapadanti evaṃ vuttesu catūsu dhammapadesu ekampi dhammapadaṃ seyyo.

Yo sahassaṃ sahassenāti: yo eko saṅgāmayodho sahassena guṇitaṃ sahassaṃ manusse ekasmiṃ saṅgāme jineyya dasa manussasatasahassāni jinitvā jayaṃ āhareyya, ayaṃpi saṅgāmajinataṃ uttamo nāma na hoti. Ekañaca jeyyamattānanti: yo pana rattiṭṭhānadivāṭṭhānesu ajjhattikakammaṭṭhānaṃ sammasanto attano lobhādikkilesajayena attānaṃ jineyya. Sa ve saṅgāmajuttamoti: so saṅgāmajinataṃ uttamo pavaro saṅgāmasīsayodhoti.

Desanāvasāne bahū sotāpattiphalādīni pāpuṇiṃsūti.