Tattha "yaṅkiñcīti anavasesapariyādānavacanametaṃ. Yiṭṭhanti: yebhuyyena maṅgalakiriyādivasena dinnadānaṃ. Hutanti: abhisaṅkharitvā kataṃ pāhunadānañceva kammaphalaṃ saddahitvā katadānañca. Saṃvaccharaṃ yajethāti: ekasaṃvaccharaṃ nirantarameva vuttappakāraṃ dānaṃ sakalacakkavāḷepi lokiyamahājanassa dadeyya. Puññapekkhoti: puññaṃ icchanto. Ujjugatesūti: heṭṭhimakoṭiyā sotāpannesu uparimakoṭiyā khīṇāsavesu. Idaṃ vuttaṃ hoti "evarūpena pasannena cittena sarīraṃ onāmetvā vandantassa kusalacetanāya yaṃ phalaṃ, tato catutthabhāgaṃpi sabbaṃ taṃ dānaṃ

Na agghati; tasmā ujjugatesu abhivādanameva seyyoti.

Desanāvasāne brāhmaṇo sotāpattiphalaṃ patto, aññepi bahū sotāpattiphalādīni pāpuṇiṃsūti.

Sārīputtattherassa sahāyabrāhmaṇavatthu.