"yo ca vassasataṃ jīve apassaṃ udayabbayaṃ,

ekāhaṃ jīvitaṃ seyyo passato udayabbayanti.

Tattha "apassaṃ udayabbayanti: pañcannaṃ khandhānaṃ pañcavīsatiyā lakkhaṇehi udayañca vayañca apassanto. Passato udayabbayanti: tesaṃ udayañca vayañca passantassa itarassa jīvitato ekāhaṃpi jīvitaṃ seyyoti.

Desanāvasāne paṭācārā saha paṭisambhidāhi arahattaṃ pāpuṇīti.