nānāsakā taṇḍilasāyikā vā

rajojallaṃ ukkuṭikappadhānaṃ

sodhenti maccaṃ avitiṇṇakaṅkhanti.

Tattha nānāsakāti: na anāsakā, bhattapaṭikkhepoti attho. Taṇḍilasāyikāti: bhūmisayanaṃ. Rajojallanti: kaddamalepanākārena sarīre sannicitarajo. Ukkuṭikappadhānanti: ukkuṭikabhāvena āraddhaviriyaṃ. Idaṃ vuttaṃ hoti "yo hi macco `evaṃ ahaṃ lokanissaraṇasaṅkhātaṃ suddhiṃ pāpuṇissāmīti imesu naggacariyādīsu yaṅkiñci samādāya vatteyya, so kevalaṃ micchādassanañceva vaḍḍheyya kilamathassa ca bhāgī assa; na hi etāni susamādinnāni aṭṭhavatthukāya kaṅkhāya avitiṇṇabhāvena avitiṇṇakaṅkhaṃ maccaṃ sodhentīti.