Tassattho "bhagini idaṃ tava sarīrasaṅkhātaṃ rūpaṃ mahallakabhāvena parijiṇṇaṃ, tañca kho sabbarogānaṃ nivāsanaṭṭhānatthena roganiddhaṃ; yathā kho pana taruṇopi sigālo "jarasigāloti vuccati, taruṇāpi gaḷocīlatā "pūtilatāti vuccati; evaṃ tadahujātaṃ suvaṇṇavaṇṇampi samānaṃ niccaṃ paggharaṇatthena pūtikāyaṃ pabhaṅguṇaṃ. So eso pūtiko samāno tava deho `bhijjati na cirasseva bhijjissatīti veditabbo. Kiṃkāraṇā? maraṇantaṃ hi jīvitaṃ: yasmā sabbasattānaṃ jīvitaṃ Maraṇapariyosānamevāti vuttaṃ hoti.

Desanāvasāne therī sotāpattiphalaṃ pattā. Mahājanassāpi sātthikā desanā ahosīti.

Uttarattherīvatthu.

4. Adhimānikabhikkhuvatthu. (121)