khandhādito ca viññeyyo dvattiṃsākāranicchayoti.

Tattha nimittatoti evaṃ vuttappakāre imasmiṃ dvattiṃsākāre saṭṭhīsatanimittāni honti, yesaṃ vasena yogāvacaro dvattiṃsākāraṃ koṭṭhāsato pariggaṇhāti. Seyyathīdaṃ? kesassa vaṇṇanimittaṃ saṇṭhānanimittaṃ disānimittaṃ okāsanimittaṃ paricchedanimittanti pañcanimittāni honti. Evaṃ lomādīsu.

Lakkhaṇatoti dvattiṃsākāre aṭṭhavīsatisatalakkhaṇāni honti, yesaṃ vasena yogāvacaro dvattiṃsākāraṃ lakkhaṇato manasikaroti. Seyyathīdaṃ? kesesu thaddhalakkhaṇaṃ ābandhattalakkhaṇaṃ uṇhattalakkhaṇaṃ samudīraṇalakkhaṇanti cattāri lakkhaṇāni honti. Evaṃ lomādīsu.