"hīnaṃ dhammaṃ na seveyya, pamādena na saṃvase,

micchādiṭṭhiṃ na seveyya, na siyā lokavaḍḍhanoti.

Tattha "hīnaṃ dhammanti: pañcakāmaguṇadhammaṃ. So hi hīnena Janena antamaso oṭṭhagoṇādīhipi paṭisevitabbo, hīnesu ca nirayādīsu ṭhānesu nibbattāpetīti hīno nāma; taṃ na seveyya. Pamādenāti: sativossaggalakkhaṇena pamādenāpi na saṃvaseyya. Na seveyyāti: micchādiṭṭhiṃ na gaṇheyya. Lokavaḍḍhanoti: yo hi evaṃ karoti, so lokavaḍḍhano nāma hoti; tasmā evaṃ akaraṇena siyā lokavaḍḍhanoti.

Desanāvasāne daharo sotāpattiphale patiṭṭhahi. Sampattānaṃpi sātthikā desanā ahosīti.