@3 cha.Ma. vuttañhetaṃ evamuparipi 4 aṃ. dasaka. 24/27/41 paṭhamamahāpañhāsutta

@5 saṃ. mahā. 19/232/91 6 cha.Ma. paccayaṭṭhitikā 7 cha.Ma., i. asaññasattā

@8 cha.Ma. avedanakā 9 abhi. vi. 35/1017/510 10 abhi.saṃ. 34/1089/255 Paccayaṭṭhitikattaṃ yuttamayuttaṃ sattānantu ayuttamevetaṃ vacanaṃ bhaveyyāti. Na kho panetaṃ evaṃ daṭṭhabbaṃ. Kasmā? sattesu khandhopacārasiddhito. Sattesu hi khandhopacāro siddho. Kasmā? khandhe upādāya paññāpetabtato. Kathaṃ? gehe gāmūpacāro viya. Yathā hi gehāni upādāya paññāpetabbattā gāmassa ekasmimpi dvīsu tīsupi vā gehesu daḍḍhesu "gāmo daḍḍho"ti evaṃ gehe gāmūpacāro siddho, evameva khandhesu paccayaṭṭhenāhāraṭṭhitikesu "sattā āhāraṭṭhitikā"ti ayampi upacāro siddhoti veditabbo. Paramatthato ca khandhesu jāyamānesu ca jiyyamānesu ca miyyamānesu ca "khaṇe khaṇe tvaṃ bhikkhu jāyase ca jiyase ca miyase cā"ti vadatā bhagavatā tesu sattesu khandhopacāro siddhoti dassito evāti veditabbo. Yato yena paccayākhayena āhārena sabbe sattā tiṭṭhanti, so āhāro taṃ vā tesaṃ āhāraṭṭhitikattaṃ ekanti veditabbaṃ. Āhāro hi āhāraṭṭhitikattaṃ vā aniccatākārato nibbidāya padaṭṭhānaṃ hoti. Atha tesu sabbasattasaññitesu saṅkhāresu aniccatādassanena nibbindamāno anupubbena dukkhassantakaro hoti, paramatthavisuddhiṃ pāpuṇāti. Yathāha:-

"sabbe saṅkhārā aniccāti yadā paññāya passati