@6 cha.Ma., i. theriyānampi 7 cha.Ma. paṭhitabbaṃ 8 khu. dha. 25/83/31 pañcasatabhikkhuvatthu

@9 cha.Ma., i. paṭisaṃvedetī"ti 10 Sī. ekāti

Dve nāma kintipañhavaṇṇanā

evaṃ iminā pañhābyākaraṇena āraddhacitto satthā purimanayeneva uttariṃ pañhaṃ pucchati "dve nāma kin"ti. Thero dveti paccanubhāsitvā "nāmañca rūpañcā"ti dhammādhiṭṭhānāya desanāya vissajjeti. Tattha ārammaṇābhimukhanamanato, cittassa ca namanahetuto sabbampi arūpaṃ "nāman"ti vuccati. Idha pana nibbidāhetuttā sāsavameva adhippetaṃ. Rūppanaṭṭhena cattāro ca mahābhūtā, sabbañca tadupādāya pavattamānaṃ rūpaṃ "rūpan"ti vuccati, taṃ sabbampi idhādhippetaṃ. Adhippāyavaseneva cettha "dve nāma nāmañca rūpañcā"ti vuttaṃ, na aññesaṃ dvinnamabhāvato. Yathāha:-