Yassa cetaṃ samucchinnaṃ mūlaghacchaṃ samūhataṃ,

sa ve divā vā rattiṃ vā samādhiṃ adhigacchatīti.

Tattha "dadāti ve yathāsaddhanti: lūkhappaṇītādīsu yaṅkiñci dento jano yathāsaddhaṃ attano saddhānurūpameva deti. Yathāpasādananti: theranavādīsu cassa yasmiṃ yasmiṃ pasādo uppajjati, tassa dento yathāpasādanaṃ attano pasādānurūpameva deti. Tatthāti: tasmiṃ parassa dāne "mayā appaṃ laddhaṃ, lūkhaṃ laddhanti maṅkubhāvaṃ āpajjati. Samādhinti: so puggalo divā vā rattiṃ vā upacārappanāvasena vā maggaphalavasena vā samādhiṃ nādhigacchati.