"seyyo ayoguḷo bhutto tatto aggisikhūpamo,

yañce bhuñjeyya dussīlo raṭṭhapiṇḍaṃ asaññatoti.

Tattha "yañce bhuñjeyyāti: yaṃ dussīlo nissīlapuggalo kāyādīhi asaññato raṭṭhavāsīhi saddhāya dinnaṃ raṭṭhapiṇḍaṃ "samaṇomhīti paṭijānanto gahetvā bhuñjeyya, tato āditto aggivaṇṇo ayoguḷo bhutto seyyo sundarataro. Kiṃkāraṇā?

Tappaccayā hi eko attabhāvo jhāyeyya, dussīlo pana saddhādeyyaṃ bhuñjitvā anekānipi jātisatāni niraye pacceyyāti attho.