Samādhiṃ nādhigacchatīti: aññesaṃ hi lābhaṃ pihayanto tesaṃ cīvarādikaraṇe ussukkaṃ āpanno bhikkhu appanāsamādhiṃ vā upacārasamādhiṃ vā nādhigacchati.

Salābhaṃ nātimaññatīti: appalābhopi samāno uccanīcakulappaṭipāṭiyā sapadānaṃ caranto bhikkhu salābhaṃ nātimaññati nāma.

Taṃ veti: taṃ evarūpaṃ bhikkhuṃ sārajīvitatāya suddhājīvaṃ jaṅghabalaṃ nissāya jīvitakappanena akusītatāya atanditaṃ devatā pasaṃsanti thomentīti attho.

Desanāvasāne bahū sotāpattiphalādīni pāpuṇiṃsūti.