Mamāyitanti: yassa "ahanti vā "mamanti vā gāho natthi.

Asatā ca na socatīti: tasmiṃ nāmarūpe khayavayaṃ patte "mama rūpaṃ khīṇaṃ .pe. Mama viññāṇaṃ khīṇanti na socati na Vihaññati "khayavayadhammameva khīṇanti passati.

Sa veti: so evarūpo vijjamānepi nāmarūpe mamāyitarahito asatāpi tena asocanto "bhikkhūti vuccatīti attho.

Desanāvasāne ubhopi jāyapatikā anāgāmiphale patiṭṭhahiṃsu. Sampattānaṃpi sātthikā desanā ahosīti.