Jhāya bhikkhūti: bhikkhu tvaṃ dvinnaṃ jhānānaṃ vasena jhāya ceva kāyakammādīsu ca appamattavihāritāya mā pamajji.

Bhamassūti: pañcavidhe ca te kāmaguṇe cittaṃ mā bhamatu.

Mā lohaguḷanti: sativossaggalakkhaṇena hi pamādena pamattā niraye tattaṃ lohaguḷaṃ gilanti, tena taṃ vadāmi: mā pamatto hutvā lohaguḷaṃ gili. Mā niraye dayhamāno `dukkhamidaṃ dukkhamidanti kandīti attho.

Natthi jhānanti: jhānuppādikāya vāyāmappaññāya appaññassa