Tattha "santakāyoti: pāṇātipātādīnaṃ abhāvena santakāyo, musāvādādīnaṃ abhāvena santavāco, abhijjhādīnaṃ abhāvena santamano 2-, kāyādīnaṃ tiṇṇaṃpi suṭṭhu samāhitattā susamāhito, catūhi maggehi lokāmisassa vantatāya vantalokāmiso, [bhikkhu] abbhantare rāgādīnaṃ upasantatāya upasanto vuccatīti attho.
Desanāvasāne thero arahatte patiṭṭhahi, sampattānaṃpi sātthikā desanā ahosīti.
Santakāyattheravatthu.