Sīvalittheravatthu.

32. Sundarasamuddattheravatthu. (295)

"yodha kāmeti imaṃ dhammadesanaṃ satthā jetavane viharanto sundarasamuddattheraṃ ārabbha kathesi.

Sāvatthiyaṃ kireko kulaputto sundarasamuddakumāro nāma cattālīsakoṭivibhave mahākule nibbatto. So ekadivasaṃ pacchābhattaṃ gandhamālādihatthaṃ mahājanaṃ dhammassavanatthāya jetavanaṃ gacchantaṃ disvā "kahaṃ gacchathāti pucchitvā, "satthu santikaṃ dhammassavanatthāyāti vutte, "ahaṃ gamissāmīti vatvā tena saddhiṃ gantvā parisapariyante nisīdi. Satthā tassa ajjhāsayaṃ viditvā anupubbīkathaṃ kathesi. So "na sakkā agāraṃ ajjhāvasantena saṅkhalikhitaṃ brahmacariyaṃ caritunti satthu kathaṃ nissāya pabbajjāya jātussāho,