Desanāvasāne thero arahattaṃ patvā iddhibalena vehāsaṃ abbhuggantvā kaṇṇikāmaṇḍalaṃ vinivijjhitvā satthu sarīraṃ thomentoyeva āgantvā satthāraṃ vandi. Dhammasabhāyaṃpi kathaṃ samuṭṭhāpesuṃ "āvuso jivhāviññeyyaṃ rasaṃ nissāya manaṃ naṭṭho sundarasamuddatthero, satthā panassa avassayo jātoti. Satthā taṃ kathaṃ sutvā "na bhikkhave idāneva, pubbepāhaṃ etassa rasataṇhāya bajjhamānassa avassayo jātoyevāti vatvā tehi yācito tassatthassa pakāsanatthaṃ atītaṃ āharitvā

"na kiratthi rasehi pāpiyo

āvāsehi vā santhavehi vā,

vātamigaṃ gahananissitaṃ