Kathaṃ tathavāditāya tathāgato? yaṃ rattiṃ bhagavā anuttaraṃ sammāsambodhiṃ abhisambuddho, yañca rattiṃ anupādisesāya nibbānadhātuyā parinibbāyi, etthantare pañcattālīsavassaparimāṇakālaṃ yaṃ bhagavatā bhāsitaṃ lapitaṃ suttageyyādi, sabbantaṃ paripuṇṇaṃ rāgamadādinimmadanaṃ ekasadisaṃ tathaṃ avitathaṃ. Tenāha:-

"yañca cunda rattiṃ tathāgato anuttaraṃ sammāsambodhiṃ

abhisambujjhati, yañca rattiṃ anupādisesāya nibbānadhātuyā parinibbāyati,

yaṃ etasmiṃ antare bhāsati lapati niddisati, sabbantaṃ tatheva ca