"aggikkhandho samuddo ca mahiccho cāpi puggalo

sakaṭehi paccaye dentu tayopete atappiyā"ti.

Ete pana atricchatādayo dose ārakā parivajjetvā santaguṇanigūhanādhippāyo paṭiggahaṇe ca mattaññū appiccho. So attani vijjamānampi guṇaṃ paṭicchādetukāmatāya saddho samāno "saddhoti maṃ jano jānātū"ti na icchati, sīlavā, bahussuto, pavivitto, āraddhavīriyo, upaṭṭhitassati, samāhito, paññavā samāno "paññavāti maṃ jano jānātū"ti na icchati.