tattha yasmā "evamiccādipāṭhassa, atthaṃ nānappakārato, vaṇṇayanto samuṭṭhānaṃ vatvā"ti mātikā ṭhapitā, tassa ca samuṭṭhānassa ayaṃ vattabbatāya okāso, tasmā maṅgalapañhasamuṭṭhānaṃ tāva vatvā mayaṃ pacchā imesaṃ gāthāpadānaṃ atthaṃ vaṇṇayissāma. Kiñca maṅgalapañhasamuṭṭhānaṃ? jambūdīpe kira tattha tattha nagaradvārasaṇṭhāgārasabhādīsu mahājanā sannipatitvā hiraññasuvaṇṇaṃ datvā

@4 cha.Ma., i. kañcideva 5 cha.Ma., i. ettha 6 cha.Ma., i. aṭṭhāsi

@7 cha.Ma., i. vaṇṇayissāmi 8 cha.Ma., i. mahājano Nānappakāraṃ sītāharaṇādikaṃ bāhirakathaṃ kathāpenti, ekekā kathā catumāsaccayena niṭṭhāti. Tattha ekadivasaṃ maṅgalakathā samuṭṭhāsi "kinnukho maṅgalaṃ, kiṃ diṭṭhaṃ maṅgalaṃ, kiṃ sutaṃ maṅgalaṃ, kiṃ mutaṃ maṅgalaṃ, ko maṅgalaṃ jānātī"ti.