@3 ka. paṭṭhapeti 4 ka. purimavacanaṃ

"vināsayati assaddhaṃ saddhaṃ vaḍḍheti sāsane

iti me sutamiccevaṃ vadaṃ gotamasāvako"ti.

Etthāha "kasmā panettha yathā aññesu suttesu `evamme sutaṃ ekaṃ samayaṃ bhagavā'tiādinā kāladese apadisitvāva nidānaṃ bhāsitaṃ, evaṃ na bhāsitan"ti. Apare tāva āhu:- na pana therena bhāsitattā. Idaṃ hi nidānaṃ na āyasmatā ānandena paṭhamaṃ bhāsitaṃ, khujjuttarāya pana bhagavatā upāsikāsu bahussutabhāvena etadagge ṭhapitāya sekkhappaṭisambhidāppattāya ariyasāvikāya sāmāvatippamukhānaṃ pañcannaṃ itthisatānaṃ paṭhamaṃ bhāsitaṃ.