Evaṃ imissāpi gāthāya mātuupaṭṭhānaṃ pituupaṭṭhānaṃ puttadārassa saṅgaho, anākulā ca kammantāti cattāri maṅgalāni vuttāni, putsadārassa saṅgahaṃ vā dvidhā katvā pañca, mātāpituupaṭṭhānaṃ vā ekameva katvā tīṇi. Maṅgalattañca nesaṃ tattha tattha vibhāvitamevāti.

Niṭṭhitā mātāpituupaṭṭhānanti imissā gāthāya atthavaṇṇanā.

Dānañcātigāthāvaṇṇanā

[7] Idāni dānañcāti ettha dīyate imināti dānaṃ, attano santakaṃ parassa paṭipādīyatīti vuttaṃ hohi. Dhammassa cariyā dhammā vā anapetā